ໝາກ​ຄາຍ ຊ່ວຍບັນເທົາອາການເຈັບຫົວ, ຊ່ວຍບໍາລຸງ ແລະ ຮັກສາສາຍຕາ

ຕົ້ນໝາກຄາຍຈັດເປັນໄມ້ເມືອງໜາວທີ່ມີຖິ່ນກໍາເນີດຢູ່ຈີນ, ເປັນຕົ້ນໄມ້ທີ່ທົນຄວາມແຫ້ງແລງໄດ້ດີ.

ໃບເປັນໃບດ່ຽວ, ອອກລຽງສະລັບກັນ, ລັກສະນະຂອງໃບເປັນຄ້າຍຮູບຫອກ, ໃບກວ້າງ 2.5-3 ຊມ ແລະ ຍາວ 8-15 ຊມ.

ດອກເປັນດອກດ່ຽວ, ອອກເປັນກະຈຸກ, ມີກາບດອກ 5 ກາບ, ຕິດກັນກັນເປັນຫຼອດສັ້ນໆ, ເປັນສີແດງ, ຜິວນອກກາບມີຂົນ, ກີບດອກມີ 5 ກີບ, ມີລັກສະນະກົມ, ມີສີຂາວ, ສີບົວ ແລະ ສີແດງ.

ໝາກເປັນໝາກສົດ, ມີລັກສະນະກົມຣີ, ປາຍແຫຼມ, ມີຂົນອ່ອນນຸ່ມສັ້ນໆ, ປົກຄຸມເນື້ອສີຂາວເກືອບເຫຼືອງ, ພາຍໃນໝາກມີແກ່ນ 1 ແກ່ນ.

ປະໂຫຍດ:
– ຊ່ວຍບໍາລຸງ ແລະ ຮັກສາສາຍຕາ.
– ໝາກຮັບປະທານໄດ້.

– ຊ່ວຍເສີມສ້າງ, ບໍາລຸງກະດູກ ແລະ ແຂ້ວໃຫ້ແຂງແຮງ.
– ຊ່ວຍປ້ອງກັນພະຍາດເລືອດອອກຕາມຫວ່າງແຂ້ວ.

ສັບພະຄຸນ:
– ແກ່ນຊ່ວຍບັນເທົາອາການເຈັບຫົວ.
– ແກ່ນຊ່ວຍບໍາລຸງເລືອດ.

– ໃບຊ່ວຍຂັບພະຍາດ.
– ດອກຊ່ວຍໃນການຂັບປັດສະວະ.
– ດອກເປັນຢາລະບາຍ.

ຄຸນຄ່າທາງໂພສະນາການ ແລະ ອາຫານໃນສ່ວນທີ່ຮັບປະທານໄດ້ 100 ກຼາມ.
– ໂປຣຕີນ 0.8 ກຼາມ
– ຄາໂດໄຮເດສ 7 ກຼາມ
– ໄຂມັນ 0.1 ກຼາມ

– ໃຍອາຫານ 0.5 ກຼາມ
– ແຄວຊຽມ 8 ກຼາມ

– ຟອດຟໍຣັດ 20 ກຼາມ
– ທາດເຫຼັກ 1 ກຼາມ

– ວິຕາມິນບີ 1, 0.01 ກຼາມ
– ວິຕາມິນຊີ 6 ກຼາມ

ແຫລ່ງ​ຂໍ້​ມູມ​ຈາກ : ພາ​ເຂົ້າ​ລາວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *