ໝາກຂາມເທດ ແກ້ຖອກທ້ອງໄດ້

ຕົ້ນໝາກຂາມເທດຈັດເປັນພັນໄມ້ຈາກຕ່າງປະເທດ ມີຄວາມສູງເຖິງ 15 ມ, ເປືອກລຽບ ແລະ ມີໜາມ, ລໍາຕົ້ນມີສີເທົາແກມຂາວ ຫຼື ເທົາດໍາ. ໃບເປັນໃບລຽງສະຫຼັບ, ໃບປະສົມແບບຂົນນົກສອງຊັ້ນ, ໃບຍ່ອຍຮູບໄຂ່ກັບ ຫຼື ຮູບຣີ, ໃບກວ້າງປະມານ 0.5-2.5 ຊມ ແລະ ຍາວປະມານ 1.5-4.5 ຊມ.

ກົກໃບບ້ຽງ, ປາຍໃບມົນ, ຜິວໃບລຽບມີຂົນເລັກນ້ອຍ. ອອກດອກເປັນຊໍ່ຢູ່ປາຍກິ່ງ, ດອກຍ່ອຍມີກາບດອກ 5 ກີບ, ກີບດອກ 5 ກີບ, ດອກມີສີຂຽວແກມຂາວ, ຕິດກັນເປັນຫຼອດ,

ປາຍແຍກອອກເປັນ 5 ແຊກ, ປາຍກີບມົນ, ມີເກສອນຜູ້ຈໍານວນຫຼາຍ, ມີເກສອນແມ່ 1 ອັນ. ໝາກເປັນຝັກຂ້ອນຂ້າງແປ, ມີຮອຍຄອດຕາມແນວສັນ ແລະ ເປືອກນູນຕາມຈໍານວນແກ່ນ, ໝາກຂົດເປັນວົງ ຫຼື ກຽວ ກວ້າງປະມານ 1-2 ຊມ ແລະ ຍາວປະມານ 5-15 ຊມ, ເນື້ອໝາກເມື່ອແກ່ຈະເປັນສີບົວ ຫຼື ແດງ.

 

ສໍາຫຼັບປະໂຫຍດຂອງໝາກຂາມເທດນັ້ນມີຫຼາຍ ເພາະປະກອບໄປດ້ວຍວິຕາມິນ ແລະ ແຮ່ທາດທີ່ມີປະໂຫຍດຫຼາຍຊະນິດເຊັ່ນ: ວິຕາວິນA, ວິຕາມິນC, ວິຕາມິນອີ, ວິຕາມິນB1, ວິຕາມິນB2, ວິຕາມິນB3, ທາດແຄລຊຽມ, ທາດເຫຼັກ, ໂປຣຕີນ, ເສັ້ນໄຍ ເປັນຕົ້ນ.

ນອກນີ້ໝາກຂາມເປບຍັງມີປະໂຫຍດຫຼາຍຢ່າງຄື:
– ໝາກຂາມເປບສາມາດນໍາໄປປະກອບເປັນອາຫານໄດ້ເຊັ່ນ: ແກງສົ້ມ…
– ດອກ ແລະ ໃບອ່ອນຂອງຕົ້ນໝາກຂາມເທດສາມາດນໍາໄປຮັບປະທານເປັນອາຫານໄດ້.

 

– ໝາກຂາມເທດສາມາດນໍາໄປໃຊ້ເຮັດຢາຍ້ອມຜົມ ຫຼື ສະຜົມໄດ້.
– ເນື້ອໄມ້ຂອງຕົ້ນໝາກຂາມເທດສາມາດນໍາມາໃຊ້ເຮັດຂຽງທີ່ມີຄຸນນະພາບສູງໄດ້ ເພາະເນື້ອໄມ້ຂ້ອນຂ້າງໜຽວທົນທານ.

– ເປືອກຂອງຕົ້ນທີ່ນໍາມາຕົ້ມກັບນໍ້າສາມາດນໍາມາປຸງເປັນຢາແກ້ຖອກທ້ອງໄດ້.
– ຊ່ວຍບັນເທົາອາການເຈັບແຂ້ວ ໂດຍໃຊ້ເປືອກຕົ້ມກັບນໍ້າຮ່ວມກັບເປືອກສົ້ມຂ່ອຍ ແລະ ເກືອແກງ ແລ້ວນໍາມາອົມແກ້ເຈັບແຂ້ວ.

– ນິຍົມປູກເປັນໄມ້ປະດັບ ແລະ ເປັນຜູ້ສະໜັບສະໜູນພືດຊະນິດອື່ນໂດຍສະເພາະແມ່ນປູກຜັກຫວານປ່າ, ຕ້ອງໄດ້ປູກຕົ້ນຂາມເທດເປັນພືດສະໜັບສະໜູນໃນການຈະເລີນເຕິບໂຕໄດ້ດີ.

ຂໍ້​ມ​ູ​ມ​ຈາກ : ພາ​ເຂົ້າ​ລາວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *