ແກ່ນດອກແຄ ບຳລຸງເລືອດ ແລະ ຂັບເສມຫະ

ຕົ້ນແຄລ້າວຈັດເປັນໄມ້ຢືນຂະໜາດນ້ອຍ, ລໍາຕົ້ນສູງ 5-20 ມ, ລໍາຕົ້ນຄົດງໍ, ເປືອກເປັນສີເທົາຄ່ອນຂ້າງລຽບ, ສ່ວນເປືອກດ້ານໃນເປັນສີຂາວ, ແຕກກິ່ງອ່ອນເປັນສີນໍ້າຕານ. ໃບປະສົມ, ຈັບກົງກັນຂ້າມກັນ, ຍາວ 20-50 ຊມ, ໃບຍ່ອຍທີ່ມີລັກສະນະ ແລະ ຂະໜາດແຕກຕ່າງກັນອອກໄປ, ໃບຍ່ອຍຈະມີປະມານ 1-4 ຄູ່, ກວ້າງ 3-20 ຊມ ແລະ ຍາວ 3-30 ຊມ.

ດອກມີຂະໜາດໃຫຍ່ສີເຫຼືອງອ່ອນ, ເກີດຈາກຊໍ່ທີ່ປາຍຍອດ, ຕັ້ງຊື້ຂຶ້ນ ແລະ ຍາວ 40 ຊມ, ຖານກີບດອກຕິດກັນເປັນຮູບຖ້ວຍ, ປາຍແຍກອອກເປັນ 5 ແສກ, ຂະໜາດບໍ່ທໍ່ກັນ, ດ້ານນອກມີຂົນສີນໍ້າຕານແດງຂຶ້ນໜາແໜ້ນ, ກີບດອກຖານເຊື່ອມຕິດກັນເປັນຮູບລຳໂພງ, ມີຂົນສີນໍ້າຕານຂຶ້ນຢູ່ດ້ານນອກ.

 

ໝາກເປັນຝັກຮູບຊົງກະບອກ, ໂຄ້ງງໍ ແລະ ບິດເປັນກຽວ, ມີກວ້າງ 1.5-2.5 ຊມ ແລະ ຍາວ 35-70 ຊມ, ຝັກຈະມີສັນເປັນເສັ້ນຍາວຕາມຝັກ 5 ສັນ ແລະ ມີຂົນສີນໍ້າຕານ, ຝັກເມື່ອແກ່ຈະແຕກຕາມຮອຍປະສານ ໃນຝັກມີແກນລັກສະນະແປ, ກວ້າງ 0.7-1.2 ຊມ ແລະ ຍາວ 2-3 ຊມ.

ປະໂຫຍດ:
– ດອກ ແລະ ຝັກອ່ອນສາມາດນໍາມາໃຊ້ເປັນຜັກກັບແຈ່ວ ແຕ່ຕ້ອງລວກໃຫ້ສຸກກ່ອນໂດຍຈະມີລົດຂົມເລັກນ້ອຍ ຫຼື ຈະໃຊ້ດອກນໍາມາຂົ້ວ.
– ເນື້ອໄມ້ຕົ້ນແຄລ້າວ ສາມາດນໍາມາໃຊ້ເຮັດສິ່ງກໍ່ສ້າງ, ເຮັດເສົາຕ່າງໆ, ເຮັດດ້າມເຄື່ອງມື, ດ້າມປືນ ແລະ ອື່ນໆ.

ສັບພະຄຸນ:
– ແກ່ນໃຊ້ເປັນຢາບໍາລຸງເລືອດ.
– ແກ່ນໃຊ້ຂັບເສມຫະ.
– ເປືອກໃຊ້ຕົ້ມກັບນໍ້າດື່ມ ແກ້ອາການທ້ອງອືດ, ແໜ້ນທ້ອງ.

– ໃບໃຊ້ຕໍາພອກຮັກສາບາດແຜ, ບາດຈາກໄຟໄໝ້ນໍ້າຮ້ອນລວກ ແລະ ຊ່ວຍຫ້າມເລືອດ.
– ໃບໃຊ້ຕໍາພອກແກ້ຜິວໜັງ, ຜົດຜືນຄັນ ແລະ ຫູດ.
– ເປືອກຕົ້ນນໍາມາຕົ້ມກັບນໍ້າອາບ ຊ່ວຍບັນເທົາອາການປວກເມື່ອຍຕາມຮ່າງກາຍໄດ້.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *